O‘quv kursning maqsadi va vazifalari

O‘quv kursining maqsadi – davr talabi asosida oilalarni mustahkamlash, xotin-qizlarni qo‘llab-quvvatlash borasida mahalla xotin-qizlar faollarining kasbiy kompetentligi va kreativligini takomillashtirishdan iborat. 

O‘quv kursining vazifalari – mahallalar xotin-qizlar faollarining oila va xotin-qizlarga oid olib borilayotgan davlat siyosati, gender tengligi bo‘yicha O‘zbekiston siyosati, ta'lim, ilm-fan, innovatsiya va boshqa sohalarda xotin-qizlarni qo‘llab-quvvatlash, oila tadbirkorligini rivojlantirish, kredit, subsidiya, lizing va moliya savodxonligini rivojlantirish, oilalarni ijtimoiy qo‘llab-quvatlash, oilalarning forovonligini ta'minlashda milliy qadriyatlarning o‘ziga xos xususiyatlari, oilaviy ajrimlarning ijtimoiy oqibatlari va erta turmush, erta tug‘ruq va qarindoshlar o‘rtasidagi nikoh, mahalla xotin-qizlar faollari va boshqa masalalar bo‘yicha kompetentligi va kreativligi ONLAYN tarzda takomillashtiriladi.

OFFLAYN tarzda esa ishsiz xotin-qizlarning bandligini ta'minlash, ularni oilaviy va xususiy tadbirkorlikka, hunarmandchilikka jalb etish, oilalarda ma'naviy-axloqiy muhitni sog‘lomlashtirish va mustahkamlash, sog‘lom turmush tarzini shakllantirish, sog‘lom ovqatlanish hamda reproduktiv salomatlik qoidalarini ommalashtirish, psixologik yordam ko‘rsatish va yoshlarni oilaviy hayotga tayyorlash, tazyiq va zo‘rovonlikka uchragan xotin-qizlarni reabilitatsiya qilish va moslashtirish, og‘ir ijtimoiy ahvolga tushib qolgan xotin-qizlar, shu jumladan, nogironligi bo‘lgan ayollar bilan yakka tartibda ishlash usullari, migratsiya va jazoni ijro etish muassasalaridan qaytgan, og‘ir ijtimoiy vaziyatga tushib qolgan xotin-qizlar bilan manzilli ishlash, oilalarni turli zararli holatlardan saqlash (radikallashuv, shar'iy nikoh, intervalsiz va otasiz farzand tug‘ish va h.k.) mexanizmlari, oila va xotin-qizlar muammolarini bartaraf etishda hamkorlik mexanizmlari bo‘yicha mahalla xotin-qizlar faollarining bilim, malaka va ko‘nikmalarini rivojlantirish nazarda tutiladi.

O‘quv kursi yakunida tinglovchilarning bilim, ko‘nikma va malakalari hamda kompetentligini takomillashtirish yo‘nalishlari:

• Xotin-qizlarning jamiyatdagi faolligi va huquqiy madaniyatini oshirish, ta'lim olish va har tomonlama manzilli qo‘llab-quvatlashga qaratilgan ishlarni tashkil etish;
• oilaviy poliklinika mutaxassislari hamda mahallaga biriktirilgan doyalar bilan hamkorlikda xotin-qizlar o‘rtasida reproduktiv salomatlik qoidalarini, sog‘lom turmush tarzini, erta tug‘ruq, istalmagan homiladorlikni oldini olishga oid ishlarni keng targ‘ib qilish va sportni ommalashtirish;
• xotin-qizlarni kasbga o‘qitish, bandligini ta'minlash, oilaviy va xususiy tadbirkorlikka jalb etish hamda hunarmandlik faoliyatini qo‘llab-quvvatlashga ko‘maklashish;
• milliy va an'anaviy qadriyatlarni keng targ‘ib qilish, oilalarni mustahkamlash, undagi ijtimoiy-ma'naviy muhitni sog‘lomlashtirish, nizoli va zo‘rovonlikka moyil, ziddiyatli oilalar bilan ishlash, mutassaddi tashkilotlar bilan birgalikda xotin-qizlarning radikal oqimlar ta'siriga tushib qolishining oldini olish;
• ijtimoiy himoyaga muhtoj xotin-qizlarni, og‘ir ijtimoiy vaziyatga tushib qolgan oilalarni moddiy va ma'naviy qo‘llab-quvvatlash, ularning uy-joy sharoitlarini yaxshilashga ko‘maklashish;
• xotin-qizlar o‘rtasida jinoyatchilik, huquqbuzarlik, tazyiq va zo‘ravonlikning oldini olish, jabrlanganlarni reablitatsiya qilish, profilaktika hisobidagi xotin-qizlar bilan ishlash, chet davlatlardagi ayollarni oilasiga qaytarish, ularning bandligini ta'minlashga ko‘maklashish;
• xotin-qizlar masalalari bo‘yicha mahalladagi “ettilik” bilan ish olib borish, mutasaddi tashkilot va idoralar bilan hamkorlikni rivojlantirish.